| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 37.29 | Dem. 37.33 (English) | >>Dem. 37.36 |
37.31μαρτυρεῖς τοίνυν καὶ σύ · ἃ γὰρ ἡμεῖς πέντε καὶ ἑκατὸν μνῶν ἐωνήμεθα , ταῦθʼ ὕστερον τριῶν ταλάντων καὶ δισχιλίων καὶ ἑξακοσίων ἀπέδου σύ · καίτοι τίς ἂν καθάπαξ πρατῆρά σʼ ἔχων σοὶ δραχμὴν ἔδωκε μίαν ; ἀλλὰ μὴν ὅτι ταῦτʼ ἀληθῆ λέγω , κάλει μοι τούτων τοὺς μάρτυρας .ἔχων μὲν τοίνυν ἣν ἐπείσθη τῶν αὑτοῦ τιμήν , δεηθεὶς δʼ ἐμοῦ τὸ γενέσθαι πρατῆρα καθʼ ὃ συνέβαλον ἀργύριον , αὑτὸς δυοῖν ταλάντοιν προσδικάζεται . καὶ τὰ λοιπὰ τῶν ἐγκλημάτων ἔτʼ ἐστὶ δεινότερα . λέγε δή μοι τὸ λοιπὸν τοῦ ἐγκλήματος .ἐνταυθὶ πόλλʼ ἄττα καὶ δεινά μοι ἅμʼ ἐγκαλεῖ · καὶ γὰρ αἴκειαν καὶ ὕβριν καὶ βιαίων καὶ πρὸς ἐπικλήρους ἀδικήματα . τούτων δʼ εἰσὶν ἑκάστου χωρὶς αἱ δίκαι καὶ οὔτε πρὸς ἀρχὴν τὴν αὐτὴν οὔθʼ ὑπὲρ τιμημάτων τῶν αὐτῶν , ἀλλʼ ἡ μὲν αἴκεια καὶ τὰ τῶν βιαίων πρὸς τοὺς τετταράκοντα , αἱ δὲ τῆς ὕβρεως πρὸς τοὺς θεσμοθέτας , ὅσα δʼ εἰς ἐπικλήρους , πρὸς τὸν ἄρχοντα . οἱ δὲ νόμοι καὶ τούτων διδόασι τὰς παραγραφὰς ἀντιλαγχάνειν , περὶ ὧν οὐκ εἰσὶν εἰσαγωγεῖς . λέγε δʼ αὐτοῖς τουτονὶ τὸν νόμον .τοῦτο τοίνυν ἐμοῦ παραγεγραμμένου πρὸς τῇ ἄλλῃ παραγραφῇ , “καὶ οὐκ ὄντων εἰσαγωγέων τῶν θεσμοθετῶν ὑπὲρ ὧν λαγχάνει Πανταίνετος ,” ἐξαλήλιπται καὶ οὐ πρόσεστι τῇ παραγραφῇ . τὸ δʼ ὅπως , ὑμεῖς σκοπεῖτε · ἐμοὶ μὲν γάρ , ἕως ἂν ἔχω τὸν νόμον αὐτὸν δεικνύναι , οὐδʼ ὁτιοῦν διαφέρει · οὐ γὰρ τὸ γιγνώσκειν καὶ συνιέναι τὰ δίκαιʼ ὑμῶν ἐξαλεῖψαι δυνήσεται .
Μάρτυρες
37.32
Ἔγκλημα
37.33
Νόμος
37.34
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 37.29 | Dem. 37.33 (English) | >>Dem. 37.36 |
